Elisabeth Lyberth – Qitsuup Nanup misigisai

Atuagannguami nuannerluinnartunik assitalersukkami oqaluttuarineqarput qitsuk Nanu aamma ikinngutaa qimmeq Palu, taakku ilaqutariinnguani niviarsiaqqami Najami angajoqqaavinilu marluutillugit uumasuutigineqarput. Oqaluttuarineqarpoq uumasunnguit taakku imminnut asallutik ikinngutigiinnerat, qimmeq qitsummit anginerulermat qitsummik illersuiartortarnera. Nanup Palullu umiarsuarnerat timmisartornerallu. Ullut ilaanni Nanu tammarpoq ullorpaalussuarnilu ujarneqarluni… Naja aliasoqaaq…

Atuakkami aallaavigineqarput piviusumik pisimasut pisimasuunngitsunik takorluukkanik ilallugit. Uumasuuteqarluni nuannersut aamma nuanninngitsut pisinnaasut eqqartorneqarlutik. Atuagaq meeqqanut tallimaniit arfineq-marlunnik ukiulinnut tulluartuuvoq.